თერაპია
კბილის არხის მკურნალობა: როდის არის საჭირო და როგორ მიმდინარეობს
მოკლედ: არხის მკურნალობა საჭიროა, როცა კარიესმა ნერვამდე მიაღწია — ჩნდება ძლიერი, ხშირად ღამის ტკივილი, კბილი რეაგირებს ცხელზე. ექიმი ასუფთავებს არხებს და ჰერმეტულად ლუქავს. ფასი 30 ₾-დან იწყება, მკურნალობა ჩვეულებრივ 1–2 ვიზიტში სრულდება.
ნიშნები, რომ არხის მკურნალობაა საჭირო
- ძლიერი ტკივილი, რომელიც ღამით ძლიერდება
- კბილი რეაგირებს ცხელზე და ტკივილი დიდხანს არ ცხრება
- ტკივილი ვრცელდება ყურში ან საფეთქელში
- ღრძილზე გაჩნდა შეშუპება ან ფისტულა
- კბილი გამუქდა — ნერვი შესაძლოა უკვე მკვდარია
ზოგჯერ ტკივილი თავისით ცხრება — ეს არ ნიშნავს, რომ პრობლემა გაქრა: ნერვი კვდება და ანთება ფესვის წვერში გადადის.
როგორ მიმდინარეობს მკურნალობა
ჯერ სურათი — ის აჩვენებს არხების რაოდენობასა და ფორმას. შემდეგ გაუტკივარება, კარიესული ქსოვილის მოცილება და არხებთან წვდომა. არხებს ვასუფთავებთ და ვამუშავებთ ანტისეპტიკით, ვზომავთ სიგრძეს, შემდეგ ჰერმეტულად ვლუქავთ. ბოლოს კბილს ბჟენით ან გვირგვინით ვაღადგენთ.
რამდენ ვიზიტში
მარტივი შემთხვევა — ერთ ვიზიტში. თუ ანთება ფესვის წვერშია, საჭიროა 2 ვიზიტი: პირველზე ვასუფთავებთ და ვდებთ სამკურნალო პასტას, მეორეზე — ვლუქავთ საბოლოოდ.
რატომ არ უნდა გადავდოთ
მკურნალობის გარეშე ანთება ძვალში გადადის და ჩნდება კისტა. ასეთი კბილის გადარჩენა ბევრად რთულია — ხშირად საქმე ამოღებით და შემდეგ იმპლანტით მთავრდება, რაც გაცილებით ძვირია, ვიდრე დროული არხის მკურნალობა.
| პროცედურა | ფასი |
|---|---|
| კონსულტაცია და დათვალიერება | 0 ₾ |
| არხის მკურნალობა | 30 ₾-დან |
| ბჟენი (კბილის აღდგენა) | 60 ₾-დან |
| ცირკონის გვირგვინი | 300 ₾ |
ხშირი კითხვები
დაკავშირებული სერვისები